Sigurður Guðmundsson málari og menningarsköpun á Íslandi 1857

Verkefnið hafði að markmiði að ættfæra fræðilegan grundvöll og skilgreina langtímaáhrif menningarsköpunar meðlima Kveldfélagsins í Reykjavík með víðfeðm áhrif og fjölbreytt störf Sigurðar „málara“ Guðmundssonar í forgrunni.

>>
Kveldfélagið

Leynifélag sem starfrækt var í Reykjavík á árunum 1861 – 1874; byrjaði sem málfundafélag en varð með tímanum hárbeittur félagsskapur þar sem breytingar á ýmsum þáttum samfélagsins voru ræddar. Meðlimir þess höfðu langtímaáhrif á íslenska menningu, samfélag og jafnvel borgarskipulag.

>>
Sigurður málari

Frumkvöðullinn Sigurður Guðmundsson (1833 – 1874), kallaður „Siggi sjení“ af vinum sínum, lærði teikningu og listmálun í Kaupmannahöfn. Hann hafði sterk áhrif á mótun íslenskrar þjóðarímyndar með hvatningu sinni og störfum að þjóðbúningagerð, forngripasöfnun, leiklist og á fleiri sviðum.

>>
Fundarbækur

Kveldfélagsmenn hittust reglulega, en þó á laun, yfir vetrarmánuðina við Aðalstræti í Reykjavík og ræddu málefni líðandi stundar, um stöðu þjóðar sinnar og vegferð hennar hverju sinni. Uppskriftir frjórra umræðna þeirra sem fóru fram frá 1861 til 1874 má finna á vef verkefnisins.

>>
Bréf

Vefur verkefnisins sameinar á einum stað og á rafrænu formi drjúgan hluta af miklum bréfaskriftum Sigurðar, annarra Kveldfélagsmanna og fleiri viðkomandi einstaklinga. Frumrit af bréfum eru geymd í Landsbókasafni – Háskólabókasafni, Þjóðminjasafni, Þjóðskjalasafni og Árnastofnun.

>>
Vasabækur

Myndskreyttar hugmyndir Sigurðar úr níu vasabókum hans eru nú aðgengilegar á rafrænu formi í fyrsta skipti. Þarna má fylgjast með hugarferli hans frá 1856 til 1870. Þær innihalda ýmsar forngripaathuganir, skissur og lýsingar á mynstrum, byggingum, kortum, vopnum, rúnasteinum og ýmsu fleira.

>>
Ritgerðir

Í eigu Þjóðminjasafnsins eru drög að ritgerðum og ræðum Sigurðar málara um fjölbreytt efni – allt frá sögu íslenskrar myndlistar, pælinga um skemmtistaði í Reykjavík, ástina, undirbúning þjóðhátíðar og gagnrýni á Brasilíuferðir til athugasemda um hreinlæti og smekk Íslendinga.

>>
Málarinn og menningarsköpun

Niðurstöður þriggja ára rannsóknarvinnu, sem byggðist á söfnun og uppskrift frumgagna, voru kynntar í tveimur málstofum (2012 og 2013). Í kjölfar fyrirlestra um ýmsar hliðar menningarsköpunar og áhrif hennar kom út þverfagleg bók sem var tilnefnd til Íslensku bókmenntaverðlaunanna árið 2017.

>>

#soliloquy-container-649{opacity:1}#soliloquy-container-649 li > .soliloquy-caption{display:none}#soliloquy-container-649 li:first-child > .soliloquy-caption{display:block} Um verkefnið

Að verkefninu standa

Terry Gunnell (Háskóli Íslands)
Karl Aspelund (University of Rhode Island
og Háskóli Íslands)
Sigurjón B. Hafsteinsson (Háskóli Íslands)
Sveinn Yngvi Egilsson (Háskóli Íslands)
Sveinn Einarsson (sjálfstætt starfandi)

Skráningar- og rannsóknarmenn

Edda Björnsdóttir
Eiríkur Valdimarsson
Elsa Ósk Alfreðsdóttir
Heiða Björk Árnadóttir
Jófríður Benediktsdóttir
María Kristjánsdóttir
Svavar Steinarr Guðmundsson

Aðrir þátttakendur

Arndís Árnadóttir
Guðmundur Hálfdanarson
Ólafur J. Engilbertsson

Vefritstjórn og hönnun

Olga Holownia

merki_stofnanir

Sigurður Guðmundsson málari og menningarsköpun á Íslandi 1857 – 1874

●