Bréf (SG02-92)

Sarpur: Menningarsögulegt gagnasafn – © Rekstrarfélag Sarps.

• Handrit: SG02-92 Bréf frá Ólafi Sigurðarsyni, umboðsmanni, Ási
• Safn: Þjóðminjasafn Íslands
• Dagsetning: 10. okt. 1857
• Bréfritari: Ólafur Sigurðarson
• Staðsetning höfundar: Ási
• Viðtakandi: Sigurður Guðmundsson
• Staðsetning viðtakanda:

---

• Lykilorð: þakkir, almenn tíðindi, súpuskeið, brjóstnál, kvenbúningur, skissur
• Efni: „Þakkir fyrir að senda súpuskeið og brjóstnál, sem Sigurður virðust hafa átt að útvega. Almenn tíðindi af dauðsföllum, fæðingu og tíðarfari m.a. fjárkláðanum. Tilkynnt um gjöf móður Ólafs til Sigurðar. Athugasemdir með dæmum um ritgerðir um kvenbúninginn og finnst Ólafi ,,sumt vera lygi ef vel er að gáð" í henni. Skissur af fólki í íslenskum búningum eftir Sigurð eru utan á bréfinu.“ Sarpur, 2015
• Nöfn tilgreind: séra Jón Reykjalín, séra Jakob Guðmundsson, Taae kaupmann, Sigmundur?, Sölvi í Hofsósi?, Ingibjörg Ólafsdóttir, B?,

---

Texti:

bls. 1

Sarpur: Menningarsögulegt gagnasafn – © Rekstrarfélag Sarps.

Ási 10.dag Octobr m. 1857

Elskulegi frændi minn!

Bréf þitt af 23 apr. í vor þakka eg þér kærlega fyrir,

það var dálítið matarlegt í því, svo eg má ekki lasta þig

fyrir það, einkum þegar jeg sé þú skrifar hér fáum skárri

bréfi enn mér. Í öðru lagi þakka eg þér fyrir súpu skeið-

ina, sem mér líkaði dável; hún er bæði stór og sterk. Í

þriðja ^lagi á eg konu minnar vegna að þakka þér fyrir bréfið

til hennar og brjóstnálina með smaragðsteininum; henni líkar

hún að því leiti að hún er gullgóð, og lítil, enn heldur sagðist

hún hefði kosið saptir, fyrst þú vogaðir ekki að hleipa þér í

demant, fyrir 16^rd enn ekki vill hún vera að senda þér hann aptur,

þú segir nálin hafi kostað 5^rd enn mér segir þú ekki hvað

skeiðin hafi kostað, og forvitnar mig ekki um það til annars

en géta sagt það öðrum sem spyrja mig að því. -

Fréttir eru margar til að seigja þér, enn eg kém þeim ekki

á þenna seðil, þó verð eg að seigja þér ögn, fyrst segi eg þér

frá láti föður míns, hann andaðist 22 Martz í vetur, misstu þar

fleiri enn eg og þá æði mikils, enn við þessu mátti líka búast.

séra Jón okkar Reykjalín andaðist einnig í 7 dag í sumar, höfum við

fengið í hans stað séra Jakob Guðmundsson, þú munt hafa

þekkt hann þegar hann var á Sjoárborg. Móðir mín hefur

þetta ár setið í óskiptu búi á hálfri jörðinni eins og var

enn hættir nú líklega búskap í vor, hún hefur beðið Sig-

mund í Hofsós að láta kaupmann Taae borga þér sín

vegna 30^rd sem hún géfur þér, líklega í seinasta sinni, -

nú máttu fara að spila uppá þínar eigin spítur - og vona eg

að þeim svíkist ekki um, að senda Taae þenna tilvísunarseðil,

enn jeg verð að biðja annaðhvort Sigmund eða Sölva sem nú

er í Hofsós að senda ^þér annan genpartinn, svo þú getir gengið

eptir því hjá kaupmanninum. -

---

bls. 2

Sarpur: Menningarsögulegt gagnasafn – © Rekstrarfélag Sarps.

Dóttir eignaðist eg þ.m. og heitir hún Íngibjörg, enn því

aðeins er það vit fyrir okkur hér að ega börn að fjárkláð-

inn komi ekki til okkar og drepi niður allt sauðfe okkar,

því þá eru hér flestir á hausinn; enda hvort þeir eiga börn

eða ekki; annars höfum við ekki orðið varir við hann enn, sem

betur fer. -

Þá verð eg ögn að mynnast á búningsritgjörðina þína

í félagsritinu seinasta, eg hefi talað við fáa um hana, enn

ritið á eg, og búinn er eg að lesa hana; margt segir þú

þar satt, og meiri partinn, enn þó mun sumt vera lygi ef

vel er aðgáð, og það ætti eg að reka í þig núna, þegar

mér er það í nýu mynni; þú segir að kvennfólk beri

„nokkurskonar reiðfrakka og kallmannshatt í kyrkjuna." Þetta

kann að hafa verið satt þegar þú varst hér drengur, enn

nú er fegurðartilfynning kvennfólks vors búin að riðja

þessu hreinlega burt; enda vóru þetta ekki nema einstöku

manneskjur; ekki er það heldur satt, að þær séu að útklippa

kappana með „sepum," en satt er það þeir séu með beiglum,

og það köllum við fellingar; enn þá bölvuð dillan!

hefur þú séð hana nokkurstaðar nema í Hjaltadal? og

áttir þú þá sérilagi að þakka séra B. fyrir hana, hann

hefur trúi eg haldið mikið uppá hana, einkanlega við

altarisgöngu. Hatturinn með „stóra skygninu fram og uppaf

höfðinu" er nú hreint úr gildi, með öllum sínum klóm, enn litla

og snotra skygnishatta, með mjóann kok/holk?* aftaná höfðinu, muntu

hafa séð í fyrra, því það er nú hátíða búningur hjá okkur

og viðhafnar litlir slétterma kjólar, með mittið þar sem það á að

vera, vanalega úr dökku Paxoni, eður damaski, enn þá

„poköxluðu með mittið uppá herðablöðum" muntu nú varla sjá

þó þú komir heim. Að þú hrósar húfubúningnum

fyrir hversdagsbúning gjörir þú rjétt, og satt muntu það

segja, að hann sé nú búinn að ná sinni fullkomnum,

---

bls. 3

Sarpur: Menningarsögulegt gagnasafn – © Rekstrarfélag Sarps.

og ætti nú að vera við þetta, og eins hitt að klæðispeisur ættu aldrei að

sjást, enn því varstu svo hlálegur að vilja líða klæðispils þar við að neðan,

þegar sjálft höfuðfatið er úr íslenskum prjónasaum? það er þó öllu vitlausara.

Þó þú lofir faldbúninginn fyrir aldurinn, géf eg þér að ekki að sök, enn

þótt mér þyki þessi krókur aldrei nema ljótur, og kann það nú að vera

af því eg hefi séð hann opt ljótann, enn kannské aldrei fallegan eða eins

og hann á að vera, óhentugur er hann á ferðum, enn konur okkar þurfa þó að

ferðast stundum í hátíðabúningi - þær eru stundum ^oft boðnar í veislur lángt

að - óholt er að reira fast um höfuðið, og undann því hefi eg heirt þær

kvarta sem hann hafa borið; gamla hempan er svo svívirðulega ljót

að eg gét ekki heirt hana nefnda; og aldrei hefur þú mig á þína

faldbúnings skoðun með neinu riti, og ekkert fær á mig þrætu-

eplið Helga hin fagra, þó þú sínir mér hana í anda, enn hvað þér

kann að takast ef þú sendir mér faldbúnings mind með möttul

og höfuðdúk ^{veit eg ekki}, enn ef þú gjörir það, þá gjörðu það að sumri og

láttu (*gat á bréfinu) stúlkuna vera fallega, svo hún gángi mér í auga

Fyrirgefðu nú allt þetta rugl!

Þinn einl frændi

Ól. Sigurðsson

Móðir mín og kona biðja kærlega að heilsa þér.

• ATH Sigurður Guðmundsson hefur rissað nafnið sitt á spássíuna neðan á blaðsíðuna.

---

bls. 4/forsíða

Sarpur: Menningarsögulegt gagnasafn – © Rekstrarfélag Sarps.

S.T.

Herra málari Sigurður Guðmundsson

Kaupmannahöfn

• ATH Sigurður hefur teiknað á spássíur þessarar blaðsíðu.

---

• Skráð af: Heiða Björk Árnadóttir. Yfirfarið: Elsa Ósk Alfreðsdóttir
• Dagsetning: 07.2011

---

Skýringar

<references group="sk" />

Tilvísanir

<references />