Bréf (SG02-101)

• Handrit: SG02-101 Bréf frá Ólafi Sigurðarsyni, umboðsmanni, Ási
• Safn: Þjóðminjasafn Íslands
• Dagsetning: 3. jan. 1863
• Bréfritari: Ólafur Sigurðarson
• Staðsetning höfundar: Ási
• Viðtakandi: Sigurður Guðmundsson
• Staðsetning viðtakanda:

---

• Lykilorð: alþingistíðindi
• Efni: „.Sigurður hefur nú útvegað eitthvað af því sem honum var falið, en enn vantar uppá. Þykir Ólafi varningurinn dýr. Nú vanhagar hann um alþingistíðindi og biður Sigurð að ráða bót á því“ Sarpur, 2015
• Nöfn tilgreind: Jón Guðmundsson, Jónas í Arnarholti

Sarpur: Menningarsögulegt gagnasafn – © Rekstrarfélag Sarps.

Texti:

Bls. 1

Ási 3. Janúar 1863

Kæri frændi!

Bréf þitt af 25. Júnii f.á. þakka jeg að

nokkru, altjend fyrir uppslagið og koffrið sem

því fylgdi, en jeg get ekki þakkað þér fyrir

pörin, sem þú ætlar aldrei að komast út-

af; máské þú getir það núna fyrir páskana.

Blygðunarlausa sölu hefur þessi smiður þeim,

þú mátt til að rífast við hann, að selja koffrið

sem vegur rúmt 1 lóð á 6^rdl 3p þó það sé

gullroðið, í gamla daga var vani að selja

výravirki sem kallað var helmingi meira en það

vóg, en þar er munur á, þarsem þetta má stimpla

út og stimpillinn einstaklega auðgjörður. -

Hjálpaðu mér núna dálítið ef jeg þarf;

svo stendur á, að jeg átti eins og aðrir að

fá öll alþingistíðindin til hreppsins hérna, og

skrifaði jeg Jóni Guðmundssyni um það í tíma,

síðan bað jeg Jónas í Arnarholti að ná þeim

út fyrir mig (Jónas sem var í Keflavík) en

þegar hann reindi það tvisvar, svaraði Jón

ekki góðu, hann þóktist ekki hafa tíð til

að segja „gumoren", sé nú Jónas ekki um

búinn að ná þeim út, sem vel getur verið,

þá gjörðu það fyrir mig, og geimdu þau

---

Sarpur: Menningarsögulegt gagnasafn – © Rekstrarfélag Sarps.

Bls. 2

þangað til jeg læt ná þeim. Tvö fyrstu

heftin af síðustu tíðundunum hef jeg feng-

ið, og það er allt og sumt. Jeg vona

jeg fái frá þér línu það fyrsta þú getur

hvort sem henni fylgir nokkuð eða ekki

neitt.

Líði þér alténd sem best

óskar

Ó. Sigurðsson

---

• Skráð af: Heiða Björk Árnadóttir. Yfirfarið: Elsa Ósk Alfreðsdóttir
• Dagsetning: 07.2011

---