Jakob Björnsson
Úr Sigurdurmalari
Smelltu hér til að finna Jakob Björnsson í þessu safni.
Æviatriði
Jakob var einn af stofnfélögum Leikfélags Andans en í upphafi þriðja starfsársins, á fundi 8. okt. 1862, óskaði hann eftir að verða bréflegur meðlimur (þá orðinn "síra Jakob.")
Líklega er hér um að ræða Jakob Björnsson (Jakobsonar á Fitjum í Skorradal), sem útskrifast úr Lærða Skólanum vorið 1859. Sjá: Þjóðólf. 24.8.1859, bls 130
Séra Jakob var orðinn elstur presta á landinu og hafði gengt embætti í 54 1/2 ár þegar hann lést 14. febrúar 1919 (Fram. 22.2.1919, bls. 31.)
Sjá einnig: Prestar, kirkjur og prestssetur í Borgarfirði:
- Jakob Björnsson (1836-1919) fékk kallið 1866. Foreldrar: Björn gullsmiður Jakobsson á Fitjum í Skorradal og kh. Ragnheiður Eggertsdóttir prests í Reykholti, Guðmundssonar. - „Talinn góður ræðumaður og skörulegur í framburði, fjörmaður og knálegur.“ Síðast prestur í Saurbæ í Eyjafirði. Kona: Solveig Pálsdóttir frá Gilsbakka í Axarfirði, Einarssonar. Börn þeirra: Kristín, kona SigfÚsar Axfjörð, bónda á Krýnastöðum, Einarssonar; Ragnheiður, kona Árna Hólm, bónda í Saurbæ Magnússonar; Ólöf Rannveig, kona Guðmundar Ágústs, bónda í Saurbæ Sigurpálssonar; Björn, gullsmiður á Akureyri.
