Bréf (SG02-203)

Sarpur: Menningarsögulegt gagnasafn – © Rekstrarfélag Sarps.

• Handrit: SG02-203 Bréf frá Þorvarði Ólafssyni, hreppstjóra, Kalstöðum á Hvalfjarðarströnd
• Safn: Þjóðminjasafn Íslands
• Dagsetning: 2. nóv. 1855
• Bréfritari: Þorvarður Ólafsson
• Staðsetning höfundar: Stykkishólmur
• Viðtakandi: Sigurður Guðmundsson
• Staðsetning viðtakanda: Kaupmannahöfn

---

• Lykilorð: sólmynd, mannamynd, greiðsla, þakkir
• Efni: „Sólmynd, sem tekin hefur verið í K.höfn af bréfritara, hefur skemmst og ekki útséð hvort viðgerð takist. Því biður hann Sigurð að draga upp mynd af sér eftir sólmyndinni. Loforð um greiðslu fylgir.” Safn Sigurðar Guðmundssonar Aðfangabók Þjóðminjasafnsins, bls. 66 (Sarpur, 2015)
• Nöfn tilgreind: Zanten, Jón Thorarenzen

---

Texti:

bls. 1

Sarpur: Menningarsögulegt gagnasafn – © Rekstrarfélag Sarps.

Stykkishólmi 2. Nóv. 1855

S. T.

herra Kunstner S. Gudmundsson!

Um leið og eg þakka yður sem bezt fyrir

gamla og góða samveru í “Nybrogaden” hérna

um árið, hjá gamla Zanten, þá er nú

að geta þess hvert bréfsefnið er. –

Þegar eg var i Höfn, lét eg einu

sinni taka af mér sólmynd, eins og þér

máske munið, og fór eg með hana heim,

en þar skemdist hún nokkuð, svo hún

var send aptur til Hafnar, til viðgjörðar,

og er nú geimd hjá Jóni Thórarensen.

Ef myndin er nú svo mikið skemd

að ekki er gott að gjöra hana jafngóða,

eins og eg hefi heyrt, þá eru nú mín

innileg tilmæli til yðar að þér gjörið

svo vel og draga upp eptir henni mynd

bls. 2

Sarpur: Menningarsögulegt gagnasafn – © Rekstrarfélag Sarps.

eða “Portrait” af mér, sem þér gjörðuð svo

vel og sæuð um að komist til mín í

vor, og vona eg þér hafið svo góða

trú til min að eg muni borga yður

eins og þér setjið uppá fyrirhöfn

yðar, því það skal eg gjöra. Mig

lángar altaf til að eiga mynd eptir

yður, og ekki síst gæti hún verið af

sjálfum mér, en eg veit að eg mælist

til of mikils, ef eg óska að þar fylgði

með önnur mynd eptir yður af íslenzkri

stúlku eða því líkt. Eg vona að þér

munuð heyra þessa bæn mína.

Af mér get eg lítið sagt yður, nema

mér líður mikið vel. Línur þessar og

kvabbið bið eg yður að vírða vel, og

óska svo að yður megi ávalt líða sem

bez, yðar velviljaður forn góðkunningi

Þorvarður Ólafsson

Bakhlið

Sarpur: Menningarsögulegt gagnasafn – © Rekstrarfélag Sarps.

S.T.

Hr. Kunstner S. Guðmunddsson

i

Kaupmannahöfn

---

• Skráð af: Edda Björnsdóttir
• Dagsetning: 6. 2013

---