Bréf (SG02-159)
- Handrit: SG02-159 Bréf frá Sigurði Péturssyni, bónda og hreppstjóra, Ási
- Safn: Þjóðminjasafn Íslands
- Dagsetning: 25. ágúst 1850
- Bréfritari: Sigurður Pétursson
- Staðsetning höfundar:Ási
- Viðtakandi: Sigurður Guðmundsson
- Staðsetning viðtakanda: Kaupmannahöfn
- Lykilorð: andlátsfregn
- ‘‘‘Efni’’’: „Andlátsfregn föður Sigurðar. Skipting á eignum hans. Þær breytingar sem þetta kann að hafa á hag Sigurðar. Beiðni um að Sigurður segi um áform sín, námstíma sem og annað.“ Sarpur, 2015
- Nöfn tilgreind: Herra Guðmann, Gl? Björns á Hofstöðum
Texti:
bls. 1
Ási dag <strong">25 Ágúst 1850 Sæll og blessaður Nafni minn! Þó eg setjist nú að skrifa þjer nokkur orð, er ekki til að tiltína fréttir - er fáar tilfalla merkilegar - því þá merkustu veit eg Móður þ: er búin að láta rita þjer, um fráfall Föður þ: sem bæði henni og ykkur systkynunum er því merkilegri, sem þið þekkið yður hafa mist meira, með Eðladyggðugum og aðstoðarfúsum ástvin; um afleiðingu afgángs hans mætti eg heldur víkja nokkrum orðum: því þó eg í firstu vænti að yfirvaldið aflaði mer einhvurja tilsjón með móður þ: hjet það so - þegar til kom - að síslum: sagði: "eg mætti til að sjá til með ykkur bræðrunum og ekki heldur setti han móður þ: neirn, því han þekti hjá mjer þan hæfilegleyka að eg gjæti hvorttveggja". þó eg nú vildi yk(k)ur öllum sem best, fin eg mig vanta bæði dug og framkvæmd til þessa; skipti gátu ekki ákomist í vor nema á ánum og urðu af þeim 4ar í br:lóð og lét eg reka þínar á fjall og bíst við að slátra í haust - ef fást - og selja, eður mun það ekki verða vegur in með það þjer tilsettum víst það lausa? og nú í bráð get eg ekki sjeð: að öðruvísi meigi verða með það fasta. Hugsað hefi eg: að falla uppá við skiptið: að þessa árs kostnaður þin sé tekin af óskiptu, en hvurnin teingda bræðrum þ: líkar það, veit eg ekki, og þá verður skiptarétturin að skera úr og ekki óttast eg lángvina óvild þeirra bræðra því áður mislíkað þeim við mig í skipti eptir móður þeirra, og greri það fljótt. Viltu ekki skrifa mjer - við tækifæri hvað þjer hugkvæmist um framtíðina ef lifir - hvurt þessi nærverandi vísindi sjoirna þer eini frá apturkomu híngað, þjer og löndum vorum til nitsemdar og hvursu mörg ár þú mundir þurfa til að afljúka þessari lærdómsgrein, því þareptir mundi eg geta ritað þer hvað lóð þitt mundi hlaupa hátt, sem þá líklega yrði felt við uppboð nest- komandi vor, eður mun ekki best að höndla so með það heila bæði fast og laust? heldur en taka lán með Rentu og selja það fasta í Pant? er skjaldan leigist meir en Rentan er há af yminduðu kaupverði jarða eða parta þeirra: um hvað þjer hugsast í þessu óska eg línu, en hvað þú anað skrifar af sjálfum þér eður í fréttum fæ eg lesið hjá móður þini, því víst munum við verða sistkyn meðan lifum. Um 10rd máttu biðja Herra Guðmann er eg fral betala aptur í Höndlun hans her, í hvurn Kaupstaðin sem han vildi, og vona eg það fást og getur þú til gamans borið saman hvaða snoðlíkt þetta er gjöfum Björns á Hofstöðum, han held eg lifi til þess þú ert útfærður!! Að síðustu bið eg Drottins anda: að stíra þínum léttfæru æsku fótum frá snörunum, kena þer að hafna því skaðlega en velja það nitsama þer til sanrar farsældar her og síðar! óskar einlægt móðurbróðir þin S. Pétursson ATH. Skrifað lóðrétt á pappírinn í miðju: Til Sigurðar Guðmundssonar lærisveini frá Hofdölum í Skagafyrði í Teyknifræði og fs: í Kaupmannahöfn
- Skráð af: Heiða Björk Árnadóttir. Yfirfarið: Elsa Ósk Alfreðsdóttir
- Dagsetning: 07.2011
Sjá einnig
Skýringar
<references group="sk" />
Tilvísanir
<references />
