Bréf (SG02-25)

Úr Sigurdurmalari
Jump to navigationJump to search

  • Lykilorð: Forngripasafnið, rúnasteinar, Höskuldsstaður
  • Efni: „Forngripasafnið og skýrslan um það. Hugleiðingur um að Eggert umskrifi skýrsluna til birtingar í Aarboger for nordisk oldlyndighed. Rúnasteinar í kirkjugarðinum á Höskuldsstöðum og líknesku í kirkjunni. Jafnframt tíundar Eggert ýmsa muni í eigu eiginkonu sinnar, sem liggi ekki á lausu en forngripasafninu gæti orðið fengur að.“ Sarpur, 2015
  • Nöfn tilgreind:

Texti:

bls. 1


Höskuldsstöðum, 2. okt. 1872

Elskulegi vin!


Það er farið að fyrnast um bréf okkur

á meðal, og eins er farið að verða langt síðan,

að eg hefi frétt nokkuð af forngripasafninu.

Mér þætti mjög vænt um, ef þú vildir einhvern

tíma skrifa mér eitthvað frá því, hvernig

því líðr, hversu það eykst og eflist. Ekki hefir

bókmenntafélagið enzt vel með að gefa út

skýrslurnar. Er ekki áhugi manna fyrir því farinn að

dofna, síðan hætt var, að auglýsa gefendr?

Mér finnst það svo sem vitaskuld, því að

margir munu hafa gefið því af nokkurs

konar fordikt til þess að láta það auglýsast,

og aðrir ef til vill af forvitni, ef þeir hafa ekki

þekkt til hlítar muninn né vitað, hvað á þeim,

stoð, og viljað fá upplýsing um það. Hvernig

lízt þér á, ef eg færi að semja á dönsku

og setja í "Årböger for nordisk oldkyndighed",

ef það gengi út, einhvern útdrátt eða

beidel "omarbeidelse" af prentuðu skýrsl-

unni? Það ætti, ef það væri laglega af hendi

leyst, ekki að spilla fyrir safninu. Fyrir

utan það, að eg er ekki alls kostar fær

til þess, þá sýnist mér einkum tvennt að,

nefnilega að skýrslan nær yfir svo skammt,

og myndir eða uppdrætti vantar. Einnig


Bls.2


kannt þú að hafa uppgötvað einhverja

þá galla á skýrslunni, sem gjöri það iðr

ráðlegt, að leggja hana eins og hún er

til grundvallar. Mér þætti vænt um, ef

þú vildir skrifa mér þitt álit í þessu

efni við tækifæri. Eg var byrjaðr á slíkum

útdrætti í fyrra, en af því að eg hvorki

tók með mér skýrsluna né önnur tæki, þá

get eg ekki haldið því áfram að sinni,

en kynni þó að geta búið mig betr undir það

með því að kynna mér betr þau rit fornfræðafélags-

ins og þær sögur vorar, sem eg hefi við

hendina.

Getr þú ekki um 2 rúnasteina á Hösk-

uldsstöðum í þjóðsögunum eða einhvers staðar?

Eg fæ ekki uppspurt, nema 1, sem liggr að miklu

leiti á kafi í kirkjugarðinum. Þér er víst

kunnugt um líkneskið hér í kirkjunni (María

í heimsókn hjá Elísabet?). Það er orðið henni

fráskila, og væri víst safninu vel komið,

ef hægt væri að koma því. Eitthvað á

kona mín af gömlu rusli (trafakefli, kistil,

reiðgjarðarhringjur, 2 gamla peninga, kron-

mark af beini, beltisspenna o.fl.), en það er

ekki laust sem skrattinn heldr, og kvennfólkið

er oft fastheldið líka.


Nóg að sinni. Vale


Eggert Ólafsson Briem


  • Skráð af: Heiða Björk Árnadóttir. Yfirfarið: Elsa Ósk Alfreðsdóttir
  • Dagsetning: 07.2011

Sjá einnig

Skýringar

<references group="sk" />

Tilvísanir

<references />

Tenglar