Vasabók (SG-03-3)
- Handrit: SG 03:1 Vasabók 3
- Safn: Þjóðminjasafn Íslands
- Dagsetning: 1861
- Lýsing: Vasabók.
Innbundin spjöld og kjölur klædd grænum striga. 11 x 16,2 cm. Fremst í bókinni stendur skrifað með hendi Sigurðar ,,Vasabók frá 1861". Bókin er ekki fullnýtt. Meginefni hennar er texti en þar er einnig að finna myndir bæði sjálfstæðar og til skýringar á texta. Meginefni texta: Ýmislegt tengt rannsóknum Sigurðar á alþingisstaðnum á Þingvöllum. Eins og athugasemdir um staðhætti og örnefni og mál á ýmsum fjarlægðum þar sögur og sagnir frá Þingvöllum. Frásagnir nafngreindra manna um atriði, er snerta Þingvöll. Lýsingar á búðarrústum. Uppdrættir af staðnum fylgja og ýmsar teikningar af landslagi og rústum á þingsvæðinu. Athugasemdir um búningasögn flestar byggðar á frásögn nafngreindra aðila. Smáræði um ílát og verkfæri, með skýringarmyndum. Tilvitnanir í rit þar sem nöfn á húshlutum koma fyrir og frásagnir fólks um húsakost m.a. skála. Þeim hugleiðingum fylgja grunnteikningar. Listi yfir gamla muni, sem Sigurður hefur heyrt af og lausafundi. Annar listi yfir nöfn á skipshlutum. Af teikningum ber fyrst að nefa blómamyndir, sumar fagurlega vatnslitaðar og munsturteikningar byggðar á blómum. Ýmsa uppdrætti tengda athugunum á Þingvöllum. Landslagsmyndir - leikmyndir? Myndir af dómkirkjunni og norskum stafkirkjum, rúnasteinum og kvensilfri. Í raun skiptir þetta bókinni í þrjá hluta:
1. Teikningar af blómum og munsturteikningar.
2. Athuganir á Þingvöllum og alþingisstaðnum.
3. Búningasögu, húsasögu og forngripaathugunum.
Í bókinni eru 3 lausir miðar. Á þeim fyrsta er uppdregið blómamunstur, síðan er minnismiði og síðast blaðsnepill.
Heimild: Þjóðminjasafn Íslands (Inga Lára Baldvinsdóttir)
- Lykilorð:
- Efni:
- vasabók
- Gæði handrits:
- Athugasemdir:
- Skönnuð mynd:Sarpur
- Skráð af:: Edda
- Dagsetning: 2013
- Sjá einnig:
- Skýringar:
<references group="sk" />
- Tilvísanir:
<references />
- Hlekkir:
