Fundur 11.feb., 1861

Lykilorð: nýir félagsmenn, lög félagsins, sektir félaga, dulnefni, Stiptsbókasafnið, listi yfir ritgerðir
Umræðuefni:
Nöfn tilgreind: Jón Árnason, Þorsteinn Jónsson, Eiríkur Magnússon

Texti:

Sama ár, mánudaginn hinn 11. febrúar var á vanalegum tíma

aukafundur haldinn í félaginu samkvæmt skriflegum boðunarseðli

frá forseta, er gengið hafði milli félagsmanna á lögboðinn hátt

daginn áður. Tilefni fundarins var sér í lagi, að taka þá menn inn

í félagið er stúngið var uppá á fundi 2. febrúar. Voru þá:

1. Lesin upp lögin fyrir þeim J. stud. Árnasyni og A. Gíslasyni og skrifuðu

þeir undir þau og voru teknir í félagið

2. Var rætt um sektir félaga og þær ákveðnar eptir þeirri skýrslu, sem

forseti og varaforseti gáfu um það, hverjir afsakað hefðu sig í tíma

og hverjir ekki, og tók gjaldkeri upp lista yfir þá, en þannig höfðu

orðið sakfallnir við lög félagsins.

3. Var rædd uppástúnga Þ.Jónssonar um að breyta nöfnum félaganna

innan funda og var hún samþykkt með 8. atkv. um 3. þannig, að menn tækju

sér ný nöfn til reynslu.

4. Uppástúnga E. Magnússonar um að félagið í personu forseta

gangi í Stiptsbókasafnið, og var sú uppástúnga sam-

þykkt með 9. atkvæðum gegn 2.

5. Voru dregnir seðlar og ræddar spurningar þær er á þeim koma

voru ritaðar.

6. Tók félagið grafskript eptir einn af meðlimum sínum, og var

hún færð til lista yfir ritgjörðir sem félaginu berast, og merkt № 1.

Síðan var fundi slitið.